دي حاجة كنت كاتبها من شهر 10 اللي فات وتقريبا كان وشي حلو علي البلد والريس سمع كلامي اسيبكم مع القصيدة ……………
يا ريس روح بقي كفاية بقالك عمر ويانا
شبعنا ذل واهانة بقالنا سنين
ولا عمرك هتوحشنا ده دمك عاد بيلطشنا
ده انت في نار معيشنا وهم وطين
سنين عدت سنين فاتت وناس عاشت وناس ماتت
وانت خلاص هنا ثابت ولا الفراعين
بنحلم يوم ما هتسبنا وغيرك ييجي يحكمنا
ونلقي نفسنا صرنا بني ادمين
لا فينا حد بيطاطي ولا واحد يكون واطي
ولا وطني ديمقراطي ولا بوشين
امتي تقوم بقي قيامتك وترحل انت ولمامتك
ده زيك وزي حكومتك مفيش اتنين
دي حكومتك ما بقتش هي دي حكومة فاقدة الصلاحية
وعاملة قال مضحية علشان الشعب المسكين
دي حكومة كدب وتزييف محتاجة صيانة وتنضيف
مش محتاجة شخص نظيف ولا طوله معدي المترين
ولا عاد صحة ولا تعليم وخلاص غيرتوا المفاهيم
ملعونة سياسة التعتيم اللي انتوا فيها ناجحين
زهقنا خلاص يا ريسنا .. تعبنا بجد ويئسنا
مفيش حاجة تحسسنا .. اننا عايشين
بلدنا حالها عاد بيغم .. في عهدك كله شال الهم
وظلمك عدي كل الظلم .. وهتودينا تاني لفين
خلاص الناس بقت بتموت ومش لاقية علاج ولا قوت
